шыдамдылық туралы шығарма

Ответ:

Шыдамдылық туралы.

«Шыдаған ойына жетер» деп халық даналығында айтылғандай, кез келген жағдайда, кез келген істі атқарарда сабырлы болып, шыдамдылық таныту қажет. Шыдамдылық дегеніміз – ұстамды, қайратты болу, басымызға түскен қиыншылықтарға төзе біліп, уақытша келеңсіздіктерден тайсалмау.

Әдетте, сабырлық пен шыдамдылық егіз ұғым ретінде қарастырылып, екеуі де қатар айтылып жатады. Үлкен кісілер үнемі «Сабыр түбі – сары алтын» деп айтып жатады. Шынымен де, басымызға түскен уақытша қиындықтарға төзе білсек, түбінде көздеген мақсатымызға жетеміз. Сабырлық пен шыдамдылық  көркем мінез - құлықтың негізгі бөлігі саналады.

Шыдамдылық жайында нақыл сөздер қаншама, солардың ішінде маған ең ұнайтыны: «Шыдамдының айы оңынан туар» (Жүсіп Баласағұни). Мен бір келеңсіздіктерге ұшырағанда осы нақыл сөзді ойыма алып, шыдамдылық танытуға тырысамын.

Өзіміз өмір сүріп отырған қоғамда да күнделікті өмірімізде бір жағдайлар ойымыздағыдай болмаса немесе қиыншылықтар туындаса, бірден ашу мен ызаға бой алдырмай, шыдамдылық танытқан абзал. Себебі шыдамдылық таныту арқасында біз бір жағынан өзіміздің тәрбиелі, өнегелі екенімізді көрсетіп, солайша өзімізді қоршаған адамдарға деген құрметімізді танытсақ, екінші жағынан көздеген мақсатымызға да жылдам қол жеткізе аламыз.