срочно помогите шығарма алғашқы қар
Ответы
Объяснение:
Күздің қоңырқай салқыны қыстың аязына ұласты. Бүгін таңертең оянсам ғажайып оқиға болыпты. Айнала аппақ қарға оранған. Алғашқы қар. Даладан қарайған затты таба алмайсын. Көліктерді, ағаштар мен үйлердің шатырларын қар басқан.
Ағаштар бұтақтарындағы қардың салмағымен майысып тұр. Көшелерді қар тазалаушылар тазалап, әкем үйдің ауласындағы қарларды күреп жүр. Бәріміз жаздың аптап ыстығы мен күздің дауылды кездерінде қарды аңсаймыз. Қыс мезгілі тазалық пен сергектіктің белгісі іспеттес. Ақ түс адалдық пен пәктіктің символы. Қар жауған кезде әлем ерекше нұрланып кетеді. Жердегі аппақ қарға күннің шұғылалы сәулесі түсіп, өзгеше сұлулықты көрсетіп тұ. Алғашқы қар жауғанда бәріміз қуандық. Әсіресе кішкентай балалар бұл мезгілді асыға күтеді. Қар жауа шаналарын сүйреп, бір-бірімен қар атысып ойнап, аққала жасауға асығады. Бірі құлап, бірі сүрініп бәрінің ауыздарынан бу шығып, тоқтаусыз ойнап жүреді. Кеш қарая үйге қайтса да тағы ойнағылары келіп, далаға телміре қарап отырады. Бұл уақытта күн қысқарған. Қар жауған күні ауа тазарып, адам жанын жадыратып, сергектік сыйлайды. Жауған қардың әсіресе басқан кездегі күртілдеген дыбысы ұнайды. Құлаққа өте жағымды. Алғаш жауған қар адам есінде ерекше сақталатындай.
Біздің отбасы үшін – бұл жыл мезгілі ерекше уақыт. Біз қаланың сыртында тұрамыз. Үйдің ауласында бірнеше шырша өсіп тұр. Оларды безендіретін бұйымдарды өз қолымызбен жасаймыз. Кішкентай інімді қасыма ертіп алып, жаңа жылдың қарсанында аққаланы дұрыс қалауды үйретемін. Қысқы мейрамдар жанұяны біріктіріп, балаларға қуаныш сыйлайды. Қыс – суық мезгіл. Құстар жылы аймақтарға ұшып кетіп, тек қарғалар ғана қалды. Аяздың әсерінен терезелерде әдемі өрнектер пайда болды. Желтоқсан айында жиі қар жауады. Қаңтар айында аяздар күшейеді. Ал, ақпанда ауа райы жылынып, адамдар көктемнің келуін күтеді. Маған ол ұнайды! Өйткені, достарыммен бірге коньки тепкенді жақсы көремін!
Мен қарды шексіз жақсы көремін.