Маман болудың басты белгілері ​

Ответ:

Маман болудың басты белгілері.

Елбасымыз Нұрсұлтан Әбішұлы Назарбаев: “Жарқын болашақ жастардың қолында” дегендей, біздің болашағымыз өз қолымызда.

Мені өскенде кім боламын, қандай мамандықты таңдаймын деп ойланамын. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.

Мамандық таңдау өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.

Әр мамандықтың талаптары әр түрлі - бір мамандықтар ептілікті қажет етсе, екіншілері - физикалық тұрғыдан дені сау әрі шымыр болғанды талап етеді, енді басқалары өнерлі болуды талап етеді. Қай мамандық болмасын жаманы жоқ, бәрі де маңызды, бәрі де қоғам үшін қажетті.

Қазіргі заман талаптарына сәйкес жақсы маман болудың белгілеріне шет тілдерін жетік меңгеру, компьютерде жылдам жұмыс жасай білу, белсенділік, тез оқып - үйрену дағдыларын жатқызуға болады.

Менің ойымша жақсы маман болудың ең басты белгісі мен шарты - білімді болу, яғни мектеп, жоғары оқу қабырғасында мұғалімдер мен оқытушылардың үйреткенін қағып алып, білімді бойыңызға сіңіру. «Білген адам білімді өмір бойы іздейді», - деп Ахмет Йүгінеки айтқандай, өмір бойы білім алып, білімді болу - қоғамда өз орнын табудың кепілі.

Соңғы жылдары өмір бойы білім алу концепциясы аса үлкен танымалдыққа ие болып отыр, себебі оқу үшін ешқашан кеш емес, тек талпыныс болса болғаны. Қазір адамды киген киімі бойынша емес, басындағы білімі арқылы бағалайды. Білімді адам ешқашан жұмыссыз қалмайтыны анық.