Ғаламтордың пайдасы мен зияны.
Ғаламтор ең алғаш Америка Құрама Штаттарында пайда болған. Ғаламтор –
тиімді байланыс құралы. Көптеген маңызды мəліметтер жинақталған. Ол арқылы достарымызбен сөйлесе аламыз. Өзімізге қызықты ақпараттарды табуға болады.
«Ғаламтордың зияны» дегенді жиі естіп жүрміз. Күні бойы компьютерден көз алмау, бас көтермей керекті де, керексіз де ақпараттардың тұңғиығына батып отыру - адамның өзінің ерік-жігерін басқара алмауынан болады. Ондай адамдар компьютерді өзінің қажетіне пайдаланудың орнына, өзі оған «құл» болғанын байқамай қалады.
Дегенмен, ғаламтордың пайдасы өте көп. Қазақ, ағылшын тілдерінен үй тапсырмасын орындаған кезде ғаламторды пайдаланады. Сайттарда аударма жəне түсіндірме сөздіктер көп болады. Сөздікте жеке сөздердің немесе сөз тіркестерінің аудармасы болады. Қазақша, ағылшынша онлайн сөздігі арқылы керекті сөздің аудармасын тез тауып аламыз. Əдебиет сабақтарында онлайн кітаптарға тапсырыс беріп, қалаған шығарманы оқуға болады.​