~5-topshiriq.~Matnni o'qing. Berilgan savollar asosida suhbatlashing Toshkent viloyati sanoati rivojlanishi jihatidan respublikada birinchi o'rinda turadi. Toshkent shahrining sharqiy tomonidagi Olmaliq, Angren, Ohangaron shaharlari hududida mamlakatning barcha qora metallurgiyasi, rangli metallurgiyaning esa bir qismi joylashgan Olmaliq rangli metallurgiya va kimyo sanoatining yirik markazlaridan biridir. Bu yerda kon-metallurgiya zavodi va kimyo zavodi ishlab turibdi. Angren shahri Oʻrta Osiyoda yirik ko'mir koni negizida barpo etilgan. Ohangaron qurilish materiallari, ayniqsa, sementi bilan mashhur. Bekobod O'rta Osiyoda yagona qora metallurgiya markazi hisoblanadi.

Savollar: 1. Toshkent viloyati hududida qanday sanoat shaharlari joylashgan? 2. Olmaliq shahrida qanday konlar mavjud? Bekobodda-chi? 3. Angren shahri qaysi kon negizida barpo etilgan? 4. Ohangaronda nimalar ishlab chiqariladi? 5. Siz yashaydigan viloyat hududida qanday tabiiy boyliklar mavjud?​