Мәтін бойынша 3 сұраулы сөйлем құрастыр. Себеп-салдарлық қатынасты білдіретін жалғаулықтарды пайдалана отырып, осы сұраулы сөйлемдерге жауап жаз.
Абайдың айрықша жырлаған тақырыптарының бірі табиғат болды. Ол табиғат аясында өсіп, оны сүйе білді. Абай жылдың қай мезгілін суреттесе де, ең алдымен оның шындық бейнесін береді. Абайдың «Желсіз түнде жарық ай», «Күз», «Қыс», «Жаз» деген өлеңдерін оқығанда, табиғаттың әр түрлі құбылысы көзіңе елестейді. Жаратылыстың жайдары жазын, түсі суық тұманды күзін, не болмаса сақырлаған аязы мен қарлы боранын өзің көріп тұрғандай боласың. Ақын өлеңдерінде табиғаттың тек жалаң суретін ғана беріп қойған жоқ, оны адам өмірімен нық байланыстыра білді. Мал бағумен күн көріп, көшіп-қонып жүрген қазақ елінің өмір шындығын дәлме-дәл көрсетіп, жылдың әрбір мезгілінің мал баққан елге қандай әсер ететіндігін баяндады. Табиғат тақырыбында жазылған бұл өлеңдері – ақынның асқан суретші екендігіне толық дәлел.​