78. Ангемени окуп, мазмунун орусча айтып бергиле. Аныктоочторду тапкыла.

ЭЛИКТИН ТЕЛКИСИ

Мергенчи үч күндөн бери издегенин бет алдындагы шилбинин түбүнөн
көрдү. Мергенчинин көргөнү туулганына аз күн эле болгон эликтин ак
чандыр татынакай кызыл чаарчыгы эле. Анын өлүм менен иши жок.
Ак чийдей буттарын каккан казыктай типтик кылып, ичке мойнун
жогору созуп, шилбинин жашыл жалбырактарын жештин аракетинде.
Мергенчи мылтыгын сунуп, демин албай, аны так башка мээледи. Эми
аз болгондо кичинекей жаныбар жалп этип жерге суламак. Аңгыча энеси
шып келип, баласын октон калкалап туруп калды. Энесинин баласын
коргогон баатырдыгына мергенчи ыраазы болуп, атпай койду.